ប្រធានាធិបតីអ៊ុយក្រែន លោក Volodymyr Zelenskyy បាននិយាយថា អ៊ុយក្រែនគឺជាចំណុចសំខាន់ក្នុងផែនការរបស់ប្រធានាធិបតីរុស្ស៊ី លោក Vladimir Putin ក្នុងការស្តារឥទ្ធិពលរបស់រុស្ស៊ីឡើងវិញលើប្រទេសដែលធ្លាប់ជាសមាជិកសហភាពសូវៀត។
ប្រភពពីសារព័ត៌មានAnadolu Agency នៅថ្ងៃទី៤ខែសីហា។
លោក Zelenskyy បានអះអាងថា លោក Putin ចង់ព្យាយាមនាំយកអ្វីដែលបានបែកបាក់រួចហើយមកវិញ ហើយប្រសិនបើរុស្ស៊ីអាចធ្វើឱ្យអ៊ុយក្រែនចុះខ្សោយ ឬបរាជ័យ នោះវាអាចធ្វើឱ្យទីក្រុងមូស្គូងាយស្រួលដាក់សម្ពាធលើប្រទេសអតីតសហភាពសូវៀតផ្សេងទៀត។
លោកបានបញ្ជាក់ថា ប្រទេសទាំងនោះកាន់តែរឹងមាំ និងឯករាជ្យ នោះកាន់តែពិបាកសម្រាប់រុស្ស៊ីក្នុងការពង្រីកឥទ្ធិពល។ លោកក៏បានសង្កត់ធ្ងន់លើការពង្រឹងទំនាក់ទំនងរបស់អ៊ុយក្រែនជាមួយអាស៊ែបៃហ្សង់ និងអាមេនី ដោយចាត់ទុកថា ការចូលរួមរបស់អ៊ុយក្រែននៅក្នុងតំបន់អតីតសហភាពសូវៀត អាចជួយការពារឯករាជ្យភាពរបស់ប្រទេសទាំងនោះ៕
