យ៉ាងហោចណាស់ជនជាតិប៉ាឡេស្ទីន៤៨នាក់បានរងរបួស បន្ទាប់ពីកងទ័ពអ៊ីស្រាអែលបើកប្រតិបត្តិការឆ្មក់ចូលជំរំជនភៀសខ្លួន Qalandia និងទីក្រុង Kafr Aqab ភាគខាងជើងក្រុងហ្សេរុយសាឡឹមខាងកើត។
ប្រភពពីសារព័ត៌មានAnadolu Agency នៅថ្ងៃទី៧ខែសីហា។
អឌ្ឍចន្ទក្រហមប៉ាឡេស្ទីនបានឱ្យដឹងថា មនុស្សភាគច្រើនរងរបួសដោយការវាយដំ ខណៈអ្នកខ្លះរងរបួសដោយគ្រាប់កាំភ្លើងកៅស៊ូ និងស្រូបឧស្ម័នបង្ហូរទឹកភ្នែក។ អង្គការនេះក៏បានចោទថា កងទ័ពអ៊ីស្រាអែលបានរារាំងរថយន្តសង្គ្រោះមិនឱ្យចូលជួយអ្នករងរបួស និងអ្នកជំងឺបានទាន់ពេលវេលា៕
