ប្រធានាធិបតីអាមេរិក លោកDonald Trump បានចុះហត្ថលេខាលើបទបញ្ជាប្រតិបត្តិថ្មីចំនួន២ ដើម្បីរឹតបន្តឹងសិទ្ធិទទួលសញ្ជាតិអាមេរិកដោយស្វ័យប្រវត្តិតាមកំណើត និងហាមការធ្វើដំណើរមកសម្រាលកូននៅសហរដ្ឋអាមេរិក («Birth Tourism») ក្នុងគោលបំណងឱ្យកូនទទួលបានសញ្ជាតិអាមេរិក។
ប្រភពពីសារព័ត៌មានAnadolu Agency នៅថ្ងៃទី៧ខែសីហា។
បទបញ្ជាថ្មីនេះពង្រីកក្រុមមនុស្សដែលមិនមានសិទ្ធិទទួលសញ្ជាតិតាមកំណើត រួមមានជនបរទេសដែលត្រូវបានចាត់ទុកថាជាសត្រូវរបស់សហរដ្ឋអាមេរិក សមាជិកអង្គការភេរវកម្មបរទេស និងអ្នកតំណាងឱ្យរដ្ឋាភិបាលបរទេស។ ទន្ទឹមនឹងនេះ មន្ត្រីកុងស៊ុលអាមេរិកនឹងបដិសេធទិដ្ឋាការចំពោះអ្នកដែលធ្វើដំណើរមកអាមេរិកក្នុងគោលបំណងសម្រាលកូនដើម្បីឱ្យកូនទទួលបានសញ្ជាតិ៕
