(កណ្ដាល)៖ មានការភ្ញាក់ផ្អើល ខណៈដែលលោក វង សែ អធិការរងនគរបាលស្រុកកៀនស្វាយ ទទួលផែនការងារគ្រឿងញៀន បានធ្វើអត្តឃាតចង-ក.សម្លាប់ខ្លួននៅក្នុងបន្ទប់ទឹក នៃបរិវេណអធិការដ្ឋាននគរបាលស្រុកកៀនស្វាយ ខេត្តកណ្តាល កាលពីល្ងាចថ្ងៃទី០៩ ខែសីហា ឆ្នាំ២០២៦។
*សេចក្តីរាយការណ៍បានឲ្យដឹងថា កន្លងមកលោក វង សែ តែងតែមានជំងឺប្រចាំកាយ.ដោយធុញថប់ក្នុងអារម្មណ៍សំរាកពុំសូវបាន..!។
ក្នុងនោះ នៅពេលកើតហេតុ អធិការរងរូបនេះ បានចូលបន្ទប់ទឹក ប៉ុន្តែគ្មាននរណាចាប់អារម្មណ៍ ព្រោះការចេញ-ចូលបន្ទប់ទឹកជារឿងធម្មតាទៅហើយ។
ប៉ុន្តែការចូលនេះយូរមិនឃើញមនុស្សចេញមកវិញ ក៏សង្ស័យខ្លាចគាត់ខ្យល់គ។
ក៏បានគោះទ្វារជាច្រើនដងតែគ្មានអ្នកឆ្លើយ ទើបគេគាស់ទ្វារចូលតែម្ដង ស្រាប់តែឃើញលោក វង សែ ចងកស្លាប់បាត់ទៅហើយ។
ភ្លាមៗនោះ សមត្ថកិច្ចបានយកកន្ត្រៃទៅកាត់ខ្សែ.ដែលសពចងក ធ្វើឱ្យសពធ្លាក់មកក្រោយបុកនឹងថ្ម បណ្ដាលឲ្យហូរឈាមតិចតួច៕
