ឯកអគ្គរដ្ឋទូតអាមេរិកប្រចាំអ៊ីស្រាអែល លោក Mike Huckabee បានចេញមុខថ្កោលទោសអ្នកតាំងទីលំនៅអ៊ីស្រាអែល ដែលបានឡោមព័ទ្ធផ្ទះប្រជាជនប៉ាឡេស្ទីនចំនួន៣គ្រួសារ នៅភូមិQusra ជិតទីក្រុង Nablus ក្នុងតំបន់ West Bank។
ប្រភពពីសារព័ត៌មានAl jazeera នៅថ្ងៃទី១៤ខែសីហា។
លោក Huckabee បានហៅសកម្មភាពនេះថាអំពើភេរវកម្មនិងនិយាយថា វាជាការគំរាមកំហែង និងបង្កការភ័យខ្លាចដល់គ្រួសារប៉ាឡេស្ទីន។ ក្នុងចំណោមគ្រួសារដែលត្រូវបានឡោមព័ទ្ធ ក៏មានគ្រួសារមួយដែលមានសមាជិកជាពលរដ្ឋអាមេរិកផងដែរ។
លោកបានបញ្ជាក់ថា ស្ថានទូតអាមេរិកបានទាក់ទងទៅភាគីអ៊ីស្រាអែល ហើយបានស្នើឱ្យកងទ័ព និងប៉ូលិសអ៊ីស្រាអែលចូលទៅដកអ្នកតាំងទីលំនៅទាំងនោះចេញពីតំបន់៕
