(ភ្នំពេញ)៖ កីឡាករ-កីឡាការិនីជាតិ និងអន្តរជាតិជាច្រើនរយនាក់ បានជុំជួបគ្នានៅវិមានឯករាជ្យ ក្នុងព្រឹត្តិការណ៍ជិះកង់ដើម្បីទេសចរណ៍បៃតងភ្នំដា និងការសិក្សា ដោយត្រូវដំណើរពីរាជធានីភ្នំពេញ ឆ្ពោះទៅប្រាសាទភ្នំដា លើតម្រាយផ្លូវទៅមកប្រមាណ ១៧៩គីឡូម៉ែត្រ។
ក្នុងពិធីបើកព្រឹត្តិការណ៍កីឡា ផ្សារភ្ជាប់ទេសចរណ៍ និងសម្បុរសធម៌នេះ ប្រព្រឹត្តទៅក្រោមអធិបតីភាពពី លោកឯកឧត្តម ហួត ហាក់ រដ្ឋមន្ដ្រីក្រសួងទេសចរណ៍ អមដោយមន្ដ្រី និងកីឡាករ-កីឡាការិនីជាតិ-អន្ដរជាតិជាច្រើនទៀត។
ព្រឹត្តិការណ៍នេះផងដែរ បានរៀបចំឡើងក្នុងគោលបំណងបំផុសចលនាកីឡាដើម្បីសុខភាព មិត្តភាព សាមគ្គីភាព ផ្សារភ្ជាប់សកម្មសប្បុរសធម៌ និងជួយលើកកម្ពស់ការផ្សព្វផ្សាយតំបន់ទេសចរណ៍ប្រវត្តិសាស្ដ្រ ប្រាសាទភ្នំដា ស្ថិតនៅស្រុកអង្គរបុរី ខេត្តតាកែវ ដែលរៀបចំដោយសហគមន៍ទេសចរណ៍វប្បធម៌ធម្មជាតិ ភ្នំដា សហការជាំមួយក្លឹបជិះកង់អូដាកកម្ពុជា និងវេទិកាសម្ព័ន្ធសង្គមស៊ីវិល (វ.ស.ស.) នៃទីស្តីការគណៈរដ្ឋមន្រ្តី ដោយមានការគាំទ្រពីក្រសួង-ស្ថាប័នពាក់ព័ន្ធជាច្រេីនទៀតផង៕
