ការផ្ទុះជំងឺអេបូឡានៅសាធារណរដ្ឋប្រជាធិបតេយ្យកុងហ្គោ បានរីករាលដាលដល់តំបន់សុខាភិបាលថ្មីមួយក្នុងខេត្តTshopo ខណៈចំនួនអ្នកឆ្លងកំពុងកើនឡើងយ៉ាងឆាប់រហ័ស។
ប្រភពពីសារព័ត៌មានAnadolu Agency នៅថ្ងៃទី១៦ខែសីហា។
តាមក្រសួងសុខាភិបាលកុងហ្គោ ករណីឆ្លងដែលបានបញ្ជាក់មានចំនួន ៤,៧២៧ករណី ក្នុងនោះ ២,២១៤នាក់បានស្លាប់។ ការផ្ទុះជំងឺនេះបានប៉ះពាល់ដល់តំបន់សុខាភិបាលចំនួន ៥៥ ក្នុងខេត្តចំនួន៦ រួមមាន Bas-Uele, Haut-Uele, Ituri, North Kivu, South Kivu និង Tshopo។
បច្ចុប្បន្ន អ្នកជំងឺ ៧៤៩នាក់ កំពុងស្ថិតក្នុងការដាក់ឱ្យនៅដាច់ដោយឡែក ឬកំពុងទទួលការព្យាបាលនៅមន្ទីរពេទ្យ ខណៈ ៩៧៦នាក់បានជាសះស្បើយ។
រដ្ឋាភិបាលកុងហ្គោបានប្រកាសជាផ្លូវការពីការផ្ទុះជំងឺនៅថ្ងៃទី១៥ ខែឧសភា ប៉ុន្តែការសិក្សារបស់ Africa CDC បង្ហាញថា ការឆ្លងអាចបានចាប់ផ្តើមតាំងពីខែកុម្ភៈមកម្ល៉េះ៕
