ព្យុះហឺរីខេនLala បានបោកបក់មកកាន់រដ្ឋហាវ៉ៃកាលពីថ្ងៃសៅរ៍ ដោយនាំមកនូវខ្យល់បក់ខ្លាំង និងភ្លៀងធ្លាក់ជោកជាំ បណ្តាលឱ្យអតិថិជនប្រើប្រាស់អគ្គិសនីជាង៤០,០០០នាក់ ទូទាំងរដ្ឋជួបការដាច់ចរន្តអគ្គិសនី។
ប្រភពពីសារព័ត៌មានReuter នៅថ្ងៃទី១៦ខែសីហា។
មជ្ឈមណ្ឌលជាតិព្យុះហឺរីខេនរបស់សហរដ្ឋអាមេរិក បានព្រមានពីស្ថានភាពដែលអាច គំរាមកំហែងដល់អាយុជីវិត ខណៈព្យុះកំពុងខិតជិតកោះហាវ៉ៃ។
យោងតាមទិន្នន័យនៅលើគេហទំព័រ PowerOutage.com គិតត្រឹមម៉ោង ២:១៤ រសៀល ម៉ោងហាវ៉ៃ ថ្ងៃសៅរ៍ មានអតិថិជនចំនួន ៤២,៨៨៩នាក់ គ្មានអគ្គិសនីប្រើប្រាស់។ ក្នុងនោះមានប្រមាណ ៣១,៧៩២នាក់នៅកោះ Big Island និង ៧,២០៣នាក់នៅតំបន់ Maui County ដែលរួមមានកោះ Maui, Lanai និង Molokai។
អាជ្ញាធរបានណែនាំឱ្យប្រជាជនប្រុងប្រយ័ត្នខ្ពស់ និងត្រៀមខ្លួនសម្រាប់ផលប៉ះពាល់ពីខ្យល់ខ្លាំង ភ្លៀងធ្លាក់ និងស្ថានភាពអាកាសធាតុធ្ងន់ធ្ងរ៕
