រដ្ឋាភិបាលចិនបានចេញផ្សាយផែនការរយៈពេល ៥ ឆ្នាំសម្រាប់វិស័យប្រេង និងឧស្ម័ន ដោយកំណត់គោលដៅថ្មីៗ ដើម្បីពង្រឹងហេដ្ឋារចនាសម្ព័ន្ធថាមពលរបស់ប្រទេសរហូតដល់ឆ្នាំ ២០៣០។
ប្រភពពីសារព័ត៌មានReuter នៅថ្ងៃទី១៨ខែសីហា។
តាមផែនការនេះ ចិនមានគោលដៅបង្កើនសមត្ថភាពទទួលឧស្ម័នធម្មជាតិរាវ (LNG) ឱ្យបាន ២០០ លានតោនក្នុងមួយឆ្នាំ នៅឆ្នាំ ២០៣០។ ប្រទេសនេះក៏មានគម្រោងបង្កើនសមត្ថភាពស្តុកឧស្ម័នធម្មជាតិ ឱ្យលើស ១៣% នៃការប្រើប្រាស់ឧស្ម័នជាតិ។
ជាមួយគ្នានេះ ចិននឹងបង្កើនសមត្ថភាពនាំចូលឧស្ម័នធម្មជាតិតាមបំពង់ពីបរទេស ឱ្យបាន១១៤ពាន់លានម៉ែត្រគូបក្នុងមួយឆ្នាំ ត្រឹមឆ្នាំ ២០៣០។
រដ្ឋាភិបាលចិនក៏នឹងពន្លឿនការសាងសង់បណ្តាញបំពង់បង្ហូរប្រេង និងឧស្ម័នសំខាន់ៗ ដើម្បីភ្ជាប់ប្រភពថាមពលពីតំបន់ផ្សេងៗទៅកាន់បណ្តាញជាតិ។
ផែនការនេះបង្ហាញថា ចិនកំពុងផ្តោតលើការពង្រឹងសមត្ថភាពផ្គត់ផ្គង់ និងស្តុកថាមពល ដើម្បីធានាសន្តិសុខថាមពល និងបំពេញតម្រូវការប្រើប្រាស់របស់ប្រទេសក្នុងរយៈពេលវែង៕
