សហរដ្ឋអាមេរិកបានដាក់ពន្ធ ៥០% លើទំនិញកាណាដាមានតម្លៃប្រមាណ ២០ពាន់លានដុល្លារ បន្ទាប់ពីការចរចាពាណិជ្ជកម្មរវាងប្រទេសទាំងពីរ មិនអាចសម្រេចបានកិច្ចព្រមព្រៀងថ្មី។
ប្រភពពីសារព័ត៌មានAl Jazeera នៅថ្ងៃទី២២ខែសីហា។
ពន្ធថ្មីនេះប៉ះពាល់ដល់ប្រមាណ ៥% នៃការនាំចេញរបស់កាណាដាទៅកាន់សហរដ្ឋអាមេរិក រួមមានគ្រឿងអេឡិចត្រូនិក ម៉ាស៊ីនឧស្សាហកម្ម និងផលិតផលទឹកដោះគោ ខណៈពន្ធលើដែកថែប ឈើ និងរថយន្តក៏មានស្រាប់ផងដែរ។
នាយករដ្ឋមន្ត្រីកាណាដា លោក ម៉ាក ខាណី បានប្រកាសថា កាណាដានឹងដាក់ពន្ធសងវិញ “ដុល្លារទល់នឹងដុល្លារ” ដើម្បីការពារកម្មករ និងអាជីវកម្មក្នុងប្រទេស។
ចំណែកសហរដ្ឋអាមេរិកបានចោទប្រកាន់កាណាដាថា បានបដិសេធមិនបញ្ចប់កិច្ចព្រមព្រៀងតាមលក្ខខណ្ឌដែលបានព្រមព្រៀងគ្នា។ ការវិវត្តចុងក្រោយនេះបានបង្កើនភាពតានតឹងពាណិជ្ជកម្មរវាងប្រទេសជិតខាងទាំងពីរ និងអាចប៉ះពាល់ដល់អាជីវកម្ម និងអ្នកប្រើប្រាស់នៅភាគីទាំងពីរ៕
