នៅថ្ងៃទី៤ ខែកញ្ញា ឆ្នាំ២០២៦ អ៊ីស្រាអែលបានដោះលែងអ្នកទោសជនជាតិលីបង់ចំនួន៤នាក់បន្ថែមទៀត ហើយប្រគល់ពួកគេទៅឱ្យ គណៈកម្មាធិការអន្តរជាតិកាកបាទក្រហម (ICRC) ដើម្បីបញ្ជូនត្រឡប់ទៅប្រទេសលីបង់។ ការដោះលែងនេះកើតឡើងមួយថ្ងៃបន្ទាប់ពីអ៊ីស្រាអែលបានដោះលែងអ្នកទោសលីបង់ម្នាក់ផ្សេងទៀត។
ប្រភពពីសារព័ត៌មានAl Jazeera។
ប្រធានាធិបតីលីបង់ លោកJoseph Aoun បានស្វាគមន៍ការដោះលែង និងថ្លែងអំណរគុណដល់សហរដ្ឋអាមេរិក ជាពិសេសប្រធានាធិបតី Donald Trump ដែលបានចូលរួមជួយជំរុញការចរចារវាងលីបង់ និងអ៊ីស្រាអែល ដើម្បីបញ្ចប់ការប្រយុទ្ធគ្នារវាងប្រទេសទាំងពីរ។
កាកបាទក្រហមអន្តរជាតិបានបញ្ជាក់ថា ខ្លួនបានជួយសម្របសម្រួលការប្រគល់មនុស្ស ៥នាក់ ដែលត្រូវបានដោះលែងពីការឃុំខ្លួនរបស់អ៊ីស្រាអែលទៅកាន់លីបង់។ ម្នាក់ក្នុងចំណោមនោះគឺ Malek Ghazi ដែលត្រូវបានដោះលែងកាលពីថ្ងៃទី៣ ខែកញ្ញា។
អ្នកដែលត្រូវបានដោះលែងផ្សេងទៀតរួមមាន Hussein Ayash មកពីភូមិ Harouf និង Mohammed Juheir ជាអ្នកនេសាទមកពីទីក្រុង Naqoura ជិតព្រំដែន។
ការប្រគល់អ្នកទោសនេះ គឺជាការដោះលែងជាក្រុមលើកដំបូងចាប់តាំងពីការផ្ទុះសង្គ្រាមចុងក្រោយរវាង អ៊ីស្រាអែល និង Hezbollah កាលពីប្រហែល ៦ខែមុន។ វាត្រូវបានគេមើលឃើញថា អាចជាសញ្ញាមួយនៃការបន្តចរចា ដើម្បីបន្ថយភាពតានតឹងរវាងអ៊ីស្រាអែល និងលីបង់៕
