អ៊ីរ៉ង់ បានព្រមានអាមេរិកថាប្រសិនបើអាមេរិកបន្តដាក់សម្ពាធ និងទណ្ឌកម្មសេដ្ឋកិច្ចលើអ៊ីរ៉ង់ អ៊ីរ៉ង់អាចចាត់វិធានការរឹតត្បិតការធ្វើនាវាចរណ៍នៅឈូងសមុទ្រពែរ្ស។
ប្រភពពីសារព័ត៌មានAnadolu Agency នៅថ្ងៃទី៨ខែកញ្ញា។
លោក Mohsen Rezaei មន្ត្រីសន្តិសុខជាន់ខ្ពស់អ៊ីរ៉ង់ បាននិយាយថា អ៊ីរ៉ង់បានផ្លាស់ប្តូរជំហររបស់ខ្លួនចំពោះនាវាចម្បាំង និងមូលដ្ឋានយោធារបស់អាមេរិក ហើយបានត្រៀមខ្លួនឆ្លើយតប ប្រសិនបើសម្ពាធពីអាមេរិកកាន់តែខ្លាំង។
ភាពតានតឹងរវាងប្រទេសទាំងពីរបានកើនឡើងខ្លាំងក្នុងរយៈពេលប៉ុន្មានខែចុងក្រោយ បន្ទាប់ពីការវាយប្រហាររវាងអ៊ីរ៉ង់ អាមេរិក និងអ៊ីស្រាអែល។
ទោះបីអ៊ីរ៉ង់ និងអាមេរិកធ្លាប់មានកិច្ចព្រមព្រៀងដើម្បីបន្ថយជម្លោះ និងបើកច្រកសមុទ្រ Hormuz ឡើងវិញក៏ដោយ ក៏ភាគីទាំងពីរនៅតែចោទប្រកាន់គ្នាថាមិនបានអនុវត្តតាមកិច្ចព្រមព្រៀង។ ដូច្នេះ ស្ថានការណ៍នៅតំបន់ឈូងសមុទ្រនៅតែមានភាពតានតឹង និងអាចប៉ះពាល់ដល់ការដឹកជញ្ជូនតាមសមុទ្រ និងសេដ្ឋកិច្ចក្នុងតំបន់៕
