អំពើហិង្សាបានកើនឡើងនៅតំបន់West Bank ដែលស្ថិតក្រោមការកាន់កាប់របស់អ៊ីស្រាអែល ដោយបណ្តាលឱ្យជនជាតិប៉ាឡេស្ទីន២នាក់ស្លាប់ និងជនជាតិអ៊ីស្រាអែលម្នាក់រងរបួសដោយសារការចាក់។
ប្រភពពីសារព័ត៌មានReuter នៅថ្ងៃទី៨ខែកញ្ញា ឆ្នាំ ២០២៦។
តាមសេចក្តីរាយការណ៍ ជនជាតិប៉ាឡេស្ទីនម្នាក់ត្រូវបានកងទ័ពអ៊ីស្រាអែលបាញ់សម្លាប់ ក្នុងអំឡុងពេលមានការវាយប្រហារពីក្រុមអ្នកតាំងទីលំនៅអ៊ីស្រាអែលលើភូមិ Hajja។ ជនជាតិប៉ាឡេស្ទីនម្នាក់ទៀតត្រូវបានសម្លាប់ បន្ទាប់ពីគាត់បានចូលទៅក្នុងទីតាំងតាំងទីលំនៅមួយ និងចាក់អ្នកតាំងទីលំនៅអ៊ីស្រាអែលម្នាក់។
អំពើហិង្សារវាងអ្នកតាំងទីលំនៅអ៊ីស្រាអែល និងប្រជាជនប៉ាឡេស្ទីនបានកើតឡើងជាបន្តបន្ទាប់នៅតំបន់ West Bank។ ការវាយប្រហារទាំងនេះបានទទួលការរិះគន់ពីសហគមន៍អន្តរជាតិ។
ក្រោមសម្ពាធពីសហរដ្ឋអាមេរិក នាយករដ្ឋមន្ត្រីអ៊ីស្រាអែល Benjamin Netanyahu ក៏បានបញ្ជាឱ្យរុះរើទីតាំងតាំងទីលំនៅខុសច្បាប់មួយចំនួនផងដែរ។ ទោះជាយ៉ាងណា ទីតាំងតាំងទីលំនៅជាច្រើននៅតែជាចំណុចក្តៅ ដែលបង្កភាពតានតឹង និងអំពើហិង្សានៅក្នុងតំបន់៕
