ប្រធានាធិបតីអាមេរិក Donald Trump គ្រោងទៅទទួលប្រធានាធិបតីចិន Xi Jinping ដោយផ្ទាល់នៅមូលដ្ឋានទ័ពអាកាសJoint Base Andrews ក្បែរទីក្រុង Washington នៅពេលលោក Xi មកដល់អាមេរិកនៅសប្តាហ៍ក្រោយ។
ប្រភពពីសារព័ត៌មានCNA នៅថ្ងៃទី១៩ខែកញ្ញា។
មន្ត្រីអាមេរិកជាន់ខ្ពស់បាននិយាយថា ការទៅទទួលមេដឹកនាំបរទេសនៅព្រលានយន្តហោះដោយប្រធានាធិបតីអាមេរិក គឺជា រឿងកម្រមួយ។
ក្នុងដំណើរទស្សនកិច្ចនេះ លោក Xi នឹងចូលរួមពិធីទទួលស្វាគមន៍នៅ សេតវិមាន និងពិនិត្យកងកម្លាំងយោធានៅ Rose Garden។ នៅពេលល្ងាច នឹងមាន ពិធីជប់លៀងផ្លូវការរបស់រដ្ឋ។
ភ្ញៀវក្នុងពិធីជប់លៀងនេះ នឹងមានអ្នកដឹកនាំក្រុមហ៊ុនបច្ចេកវិទ្យាធំៗ ដូចជា Jeff Bezos, Sundar Pichai, Sam Altman, Tim Cook, Elon Musk និង Jensen Huang។
ដំណើរទស្សនកិច្ចនេះ នឹងក្លាយជាឱកាសសំខាន់មួយសម្រាប់មេដឹកនាំអាមេរិក និងចិន ជួបពិភាក្សាគ្នាដោយផ្ទាល់៕
