អ្នកជំនាញពិសេសរបស់ UN លោក Ben Saul បានព្រមានថា ការវាយប្រហាររបស់អាមេរិកលើទូកដែលសង្ស័យថាដឹកគ្រឿងញៀន អាចរំលោភច្បាប់អន្តរជាតិ និងអាចត្រូវបានចាត់ទុកថាជាឧក្រិដ្ឋកម្មប្រឆាំងមនុស្សជាតិ។
ប្រភពពីសារព័ត៌មានAA news នៅថ្ងៃទី២២ខែកញ្ញា។
លោកបាននិយាយថា ចាប់ពីថ្ងៃទី២ ខែកញ្ញា ឆ្នាំ២០២៥ មក ការវាយប្រហាររបស់អាមេរិកលើទូកសង្ស័យនៅតំបន់ការីប៊ីន និងប៉ាស៊ីហ្វិកខាងកើត បានសម្លាប់មនុស្សយ៉ាងហោចណាស់ ២២៣នាក់។
អាមេរិកអះអាងថា ទូកទាំងនោះពាក់ព័ន្ធនឹង ការជួញដូរគ្រឿងញៀន។ ប៉ុន្តែលោក Saul ថា ការជួញដូរគ្រឿងញៀនមិនមែនជាហេតុផលគ្រប់គ្រាន់តាមច្បាប់អន្តរជាតិ ដើម្បីប្រើកម្លាំងយោធាវាយប្រហារទេ។ អ្នកសង្ស័យគួរត្រូវបានចាប់ខ្លួន និងដោះស្រាយតាមច្បាប់។
លោកក៏បានព្រមានអំពីរបាយការណ៍ថា អាចមានប្រតិបត្តិការសម្ងាត់ និងដ្រូនបរទេសធ្វើសកម្មភាពនៅក្នុងប្រទេសម៉ិកស៊ិក។ ប៉ុន្តែព័ត៌មាននេះ មិនទាន់ត្រូវបានបញ្ជាក់ដោយឯករាជ្យ ហើយមិនទាន់ដឹងថាប្រទេសណាជាអ្នកធ្វើសកម្មភាពនោះទេ។
លោក Saul បានអំពាវនាវឱ្យមាន ការស៊ើបអង្កេតឯករាជ្យ ដើម្បីរកឱ្យឃើញថា ការវាយប្រហារទាំងនេះបានរំលោភច្បាប់អន្តរជាតិឬអត់៕
