កងទ័ពអ៊ីស្រាអែលបានបាញ់ផ្លោងទៅលើភូមិ Abidin នៅខេត្ត Daraa ភាគខាងត្បូងស៊ីរី កាលពីថ្ងៃសៅរ៍។ រហូតមកដល់ពេលរាយការណ៍ មិនទាន់មានព័ត៌មានអំពីអ្នកស្លាប់ របួស ឬការខូចខាតទេ។
ប្រភពពីសារព័ត៌មានAA news នៅថ្ងៃទី៤ខែតុលា។
ក្នុងហេតុការណ៍មួយផ្សេងទៀត កងទ័ពអ៊ីស្រាអែលបានចូលទៅតំបន់ខាងលិចភូមិ Sayda al-Hanout ក្នុងខេត្ត Quneitra ដោយមានរថក្រោះ ២គ្រឿង និងយានយន្តយោធាផ្សេងទៀត ហើយបានបាញ់ទៅកាន់តំបន់លំនៅដ្ឋានរបស់ប្រជាជន។
ភូមិ Abidin ស្ថិតនៅតំបន់ Yarmouk Basin ហើយត្រូវបានកាំភ្លើងធំអ៊ីស្រាអែលវាយប្រហារជាច្រើនដងក្នុងខែកញ្ញា។
ស៊ីរីបាននិយាយថា អ៊ីស្រាអែលបានបន្តធ្វើសកម្មភាពយោធានៅលើទឹកដីស៊ីរី ចាប់តាំងពីការដួលរលំរបប Bashar al-Assad នៅចុងឆ្នាំ ២០២៤។
ប្រធានាធិបតីស៊ីរី Ahmad Al-Sharaa បាននិយាយនៅមហាសន្និបាតអង្គការសហប្រជាជាតិថា ចាប់តាំងពីចុងឆ្នាំ ២០២៤ អ៊ីស្រាអែលបានធ្វើ ការវាយប្រហារតាមអាកាស និងកាំភ្លើងធំប្រហែល ៥០០លើក ចូលក្នុងទឹកដីស៊ីរីជាង ១,២០០លើក និងចាប់ខ្លួនមនុស្សប្រហែល ៣០០នាក់៕
