អ៊ីរ៉ង់បានប្រកាសថាច្រកសមុទ្រ Hormuz នឹងមិនបើកឡើងវិញទេ រហូតដល់សហរដ្ឋអាមេរិកយល់ព្រមតាមលក្ខខណ្ឌចំនួន៧របស់អ៊ីរ៉ង់ ដែលមានគោលដៅដោះស្រាយបញ្ហា និងបើកផ្លូវទឹកនេះឡើងវិញ។
ប្រភពពីសារព័ត៌មានAl Jazeera នៅថ្ងៃទី៤ខែតុលា។
លោក Mohammad Bagher Ghalibaf ប្រធានសភាអ៊ីរ៉ង់ និងជាអ្នកចរចារបស់អ៊ីរ៉ង់ បាននិយាយថា អាមេរិកបានផ្ញើសំណើមួយចំនួនតាមរយៈអ្នកសម្របសម្រួល បន្ទាប់ពីអ៊ីរ៉ង់បានដាក់សំណើការទូតទៅកាន់អាមេរិក។
លោក Ghalibaf បានបញ្ជាក់ថា អ៊ីរ៉ង់នឹងមិនទទួលយកការដាក់លក្ខខណ្ឌឯកតោភាគីពីអាមេរិកទេ ហើយនឹង បន្តទាំងការចរចា និងការតស៊ូផ្នែកយោធា។
កាលពីសប្តាហ៍មុន ប្រធានាធិបតីអាមេរិក Donald Trump បានបដិសេធផែនការរបស់អ៊ីរ៉ង់សម្រាប់ការបើកច្រក Hormuz ឡើងវិញ។
សូមបញ្ជាក់ថា៖ ច្រកសមុទ្រ Hormuz មានសារៈសំខាន់ខ្លាំងចំពោះពិភពលោក ព្រោះនៅពេលធម្មតា ប្រហែល ១ភាគ៥ នៃប្រេង និងឧស្ម័នធម្មជាតិរបស់ពិភពលោក ត្រូវដឹកជញ្ជូនឆ្លងកាត់ច្រកនេះ៕
