កាលពីថ្ងៃទី៤ ខែតុលា ឆ្នាំ២០២៦ ឆ្មាំសមុទ្រអាមេរិកបានផ្អាកការស្វែងរកមនុស្ស៦នាក់ ដែលជិះនៅលើយន្តហោះដឹកអ្នកជំងឺ ដែលបានធ្លាក់ចូលសមុទ្រនៅជិតកោះ Nantucket រដ្ឋ Massachusetts។
ប្រភពពីសារព័ត៌មានReuter។
មន្ត្រីបាននិយាយថា អ្នកនៅលើយន្តហោះមាន ជនជាតិកាណាដា ៤ នាក់ និងជនជាតិ Bermuda ២ នាក់។ យន្តហោះនេះកំពុងធ្វើដំណើរពី Bermuda ទៅកាន់អាកាសយានដ្ឋាន Logan ក្នុងទីក្រុង Boston។
ឆ្មាំសមុទ្របានរកឃើញបំណែកយន្តហោះនៅល្ងាចថ្ងៃសៅរ៍ ហើយបានប្រើយន្តហោះ និងនាវា ដើម្បីស្វែងរកអ្នកដំណើរ និងសមាជិកក្រុមនៅថ្ងៃអាទិត្យ ប៉ុន្តែមិនបានរកឃើញអ្នករស់រានមានជីវិត។
យន្តហោះប្រភេទ Gulfstream នេះជាកម្មសិទ្ធិរបស់ក្រុមហ៊ុនដឹកជញ្ជូនអ្នកជំងឺតាមអាកាសរបស់កាណាដា Latitude Air Ambulance ហើយបានចាកចេញពី Bermuda នៅម៉ោង 12:41 យប់ថ្ងៃសៅរ៍៕
