ការបរាជ័យកាលពីថ្ងៃសុក្រទី០២.១០.២០២៦ គឺជាឧបសគ្គផ្នែកនយោបាយចុងក្រោយបង្អស់ សម្រាប់លោក Sanchez ដែលជាមេដឹកនាំរដ្ឋាភិបាលនិយមឆ្វេងមួយរូបក្នុងចំណោមមេដឹកនាំមួយចំនួនតូចដែលនៅកាន់អំណាចក្នុងទ្វីបអឺរ៉ុប។
លោក Sanchez បានថ្លែងនៅក្នុងសុន្ទរកថា ដែលផ្សាយតាមទូរទស្សន៍ថា៖ «ដើម្បីធ្វើកិច្ចការបន្ថែមទៀត យើងចាំបាច់ត្រូវបន្ត និងពង្រីកការគាំទ្រពីប្រជាជន»។
លោកបានបន្ថែមថា គោលបំណងរបស់លោកគឺ«ដើម្បីទទួលបានសំឡេងភាគច្រើនដ៏ធំទូលាយ និងមាននិន្នាការរីកចម្រើន(progressive) នៅក្នុងសភា»។
សារព័ត៌មានAFP។
ការបោះឆ្នោតសកលលើកក្រោយ ត្រូវបានគ្រោងទុកថានឹងធ្វើឡើងនៅត្រឹមខែសីហា ឆ្នាំ២០២៧ ការប្រកាសរបស់លោកបានធ្វើឡើងបន្ទាប់ពីប្រជាជនរាប់ម៉ឺននាក់បានធ្វើបាតុកម្មនៅទីក្រុងម៉ាឌ្រីដ និងទីក្រុងផ្សេងទៀតកាលពីថ្ងៃសៅរ៍ ដើម្បីទាមទារឱ្យមានវិធានការលើបញ្ហាតម្លៃលំនៅដ្ឋានដែលអាចទទួលយកបាន។
វិធានការដែលស្នើឡើងដោយរដ្ឋាភិបាល រួមមានការបន្តកិច្ចសន្យាជួលផ្ទះដោយស្វ័យប្រវត្តិ និងការរឹតបន្តឹងលើការបណ្តេញអ្នកជួលផ្ទះដែលងាយរងគ្រោះចេញពីលំនៅដ្ឋាន ត្រូវបានច្រានចោលដោយគណបក្សប្រឆាំងនៅក្នុងសភាអេស្ប៉ាញ។
ការបរាជ័យនេះ បានធ្វើឱ្យក្រុមអ្នកតវ៉ាខឹងសម្បារយ៉ាងខ្លាំង និងបានបង្ហាញឱ្យឃើញពីការលំបាកដែលរដ្ឋាភិបាលចម្រុះដែលមានសំឡេងភាគតិចរបស់លោក Sanchez ជួបប្រទះក្នុងការអនុម័តច្បាប់។
ការតវ៉ា.បានជំរុញដោយហេតុការណ៍បណ្តេញស្ត្រីវ័យ ៨៧ ឆ្នាំម្នាក់ឈ្មោះ Maricarmen Abascal ចេញពីផ្ទះល្វែងក្នុងទីក្រុងម៉ាឌ្រីដ ដែលគាត់បានរស់នៅអស់រយៈពេលជាច្រើនទសវត្សរ៍មកហើយ កាលពីខែមុន។
ក្រុមអ្នកតវ៉ារាប់រយនាក់បានបោះជំរុំតង់នៅកណ្តាលទីក្រុងម៉ាឌ្រីដអស់រយៈពេលជាងមួយសប្តាហ៍មកហើយ ដើម្បីទាមទារឱ្យមានកំណែទម្រង់វិស័យលំនៅដ្ឋាន។
និស្សិតវ័យ១៩ ឆ្នាំម្នាក់ឈ្មោះ Sara Prieto Aparicio បានប្រាប់ទីភ្នាក់ងារព័ត៌មាន AFPថា នាងជឿជាក់ថាការប្រកាសរៀបចំការបោះឆ្នោតមុនអាណត្តិនេះ«គឺជាជម្រើសដ៏ល្អបំផុត»។
នាងបាននិយាយថា៖«មានការប្រមូលផ្តុំគ្នាដ៏ធំមួយពីសំណាក់ប្រជាពលរដ្ឋ ហើយខ្ញុំគិតថារឿងនេះអំណោយផលដល់ការបោះឆ្នោត»។
ការតវ៉ាដែល«មិនអាចបញ្ឈប់បាន»Alicia del Rio អ្នកនាំពាក្យសហភាពអ្នកជួលផ្ទះទីក្រុងម៉ាឌ្រីដ (Madrid Tenants’ Union) ដែលជាក្រុមមួយក្នុងចំណោមក្រុមដឹកនាំការតវ៉ា បាននិយាយខណៈពេលដែលអំពាវនាវម្តងទៀតឱ្យមានការធ្វើកូដកម្មទូទាំងប្រទេសថា៖ «រលកនៃកំហឹងនេះមិនអាចបញ្ឈប់បានទេ ហើយពួកយើងនឹងមិនឈប់ឡើយ»។
ការស្ទង់មតិថ្មីៗនេះជាទូទៅបានបង្ហាញថា គណបក្សប្រឆាំងសំខាន់គឺគណបក្ស Popular Party (PP) ដែលមាននិន្នាការអភិរក្សនិយម មានប្រជាប្រិយភាពនាំមុខគណបក្សសង្គមនិយម (Socialists)។
ទោះជាយ៉ាងណាក៏ដោយ គណបក្ស PP ទំនងជាត្រូវចាប់ដៃគូជាមួយគណបក្ស Vox ដែលមាននិន្នាការ៕
