ក្នុងសុន្ទរកថា ដ៏ល្បីល្បាញមួយនៅកិច្ចប្រជុំអង្គការសហប្រជាជាតិ (UNGA) នៅឆ្នាំ2018 ប្រធានាធិបតីអាមេរិកដូណាល់ ត្រាំ (Donald Trump) បានព្រមានប្រទេសអាល្លឺម៉ង់ និងប្រទេសអឺរ៉ុបផ្សេងៗថា ការពឹងផ្អែកខ្លាំងលើថាមពលរបស់រុស្ស៊ី នឹងធ្វើឱ្យពួកគេ ក្លាយជាចំណាប់ខ្មាំងរបស់ទីក្រុងមូស្គូ។
នៅពេលនោះ មន្ត្រីអាល្លឺម៉ង់ មួយចំនួនបានសើចចំអកនឹងសុន្ទរកថារបស់លោក Trump ដោយគិតថា ជាសេចក្តីព្រមានដ៏មិនសមហេតុផល។
ប៉ុន្តែជាចំណុចគួរឲ្យកត់សម្គាល់ ការព្យាករណ៍របស់គាត់ក្លាយជាការពិតក្នុងរយៈពេលតែប៉ុន្មានឆ្នាំបន្ទាប់។
ប្រភពពីសារព័ត៌Fox News កាលពីថ្ងៃទី11 ខែវិច្ឆិកា ឆ្នាំ 2025។
នៅឆ្នាំ 2022 ក្រោយពីរុស្ស៊ី វាយប្រហារលើអ៊ុយក្រែន ប្រទេសមូស្គូ បានកាត់ផ្តាច់ការផ្គត់ផ្គង់ឧស្ម័នទៅអឺរ៉ុប ដើម្បីប្រើជាឧបករណ៍សម្ពាធនយោបាយ។
ប៉ុន្តែជំនួសឱ្យអឺរ៉ុប ចុះចាញ់ដូចដែលរុស្ស៊ីរំពឹង ការធ្វើសកម្មភាពនេះវិញបានជំរុញឲ្យសហភាពអឺរ៉ុប (EU) ប្រែទិសយ៉ាងលឿន ដោយកាត់បន្ថយការពឹងផ្អែកលើឧស្ម័នរបស់រុស្ស៊ីពីប្រមាណ ៤៥% ក្នុងឆ្នាំ ២០២១ មកត្រឹមតែតិចជាង ១០% នៅពេលបច្ចុប្បន្ន។
ជំនួសវិញ អឺរ៉ុបបានក្លាយជាអតិថិជនធំជាងគេរបស់សហរដ្ឋអាមេរិកសម្រាប់ឧស្ម័នធម្មជាតិរាវ (LNG)។
ការនាំចូល LNG ពីអាមេរិកឥឡូវនេះគ្របដណ្តប់ប្រហែល ៥៧% នៃតម្រូវការថាមពលរបស់អឺរ៉ុប បើប្រៀបធៀបទៅនឹងត្រឹមមួយភាគបីមុនសង្គ្រាម។
អ្នកវិភាគថា ការផ្លាស់ប្តូរនេះគឺជាផលវិបាកមួយនៃ ការផ្ទុយគំនិតយុទ្ធសាស្ត្រ របស់ប្រធានាធិបតីរុស្ស៊ី វ្ល៉ាឌីមៀរ ពូទីន។
ជំនួសឱ្យធ្វើឲ្យអឺរ៉ុបអាស្រ័យលើរុស្ស៊ី វាបានធ្វើឲ្យអឺរ៉ុបចាប់ដៃជាមួយអាមេរិកកាន់តែជិតស្និទ្ធជាងមុន៕