យោធាមីយ៉ាន់ម៉ា បានបើកការវាយប្រហារតាមអាកាសលើផ្សារមួយនៅទីក្រុងKyauktaw ក្នុងរដ្ឋ Rakhine ភាគខាងលិចប្រទេស កាលពីថ្ងៃទី២៨ ខែកញ្ញា ឆ្នាំ២០២៦ ដោយបានសម្លាប់មនុស្សយ៉ាងហោចណាស់៣៣នាក់ និងរបួស៣៦នាក់។
ប្រភពពីសារព័ត៌មានAl Jazeera នៅថ្ងៃទី២៩ ខែកញ្ញា។
ក្រុម Arakan Army ដែលគ្រប់គ្រងតំបន់នេះបាននិយាយថា យន្តហោះចម្បាំងបានទម្លាក់គ្រាប់បែកចំនួន២គ្រាប់នៅជិតផ្សារ ដែលជាមជ្ឈមណ្ឌលលក់ដុំដ៏សំខាន់ក្នុងតំបន់។ ជនរងគ្រោះរួមមាន អ្នកលក់ទំនិញ អ្នកទិញ និងអ្នកដំណើរ ហើយចំនួនអ្នកស្លាប់អាចកើនឡើងបន្ថែម។
មន្ត្រីសង្គ្រោះបាននិយាយថា ការវាយប្រហារបានបង្កអគ្គិភ័យ និងបំផ្លាញអគាររថយន្ត និងស្ពាននៅក្បែរផ្សារ។
យោធាមីយ៉ាន់ម៉ាមិនទាន់ធ្វើអត្ថាធិប្បាយភ្លាមៗទេ ប៉ុន្តែកន្លងមកបានអះអាងថា ការវាយប្រហាររបស់ខ្លួនផ្តោតលើគោលដៅយោធា។
មីយ៉ាន់ម៉ាបានជួបសង្គ្រាមផ្ទៃក្នុងចាប់តាំងពីរដ្ឋប្រហារឆ្នាំ២០២១ ដែលបានផ្តួលរំលំរដ្ឋាភិបាលជាប់ឆ្នោត។ ជម្លោះរវាងយោធា និងក្រុមប្រដាប់អាវុធជនជាតិភាគតិច និងក្រុមប្រឆាំងប្រជាធិបតេយ្យ បានធ្វើឱ្យមនុស្សជិត កន្លះលាននាក់ នៅរដ្ឋ Rakhine ត្រូវភៀសខ្លួនពីផ្ទះ៕
