ប្រធានាធិបតីសហរដ្ឋអាមេរិក លោក Donald Trump បានប្រកាសអនុម័តការលក់យន្តហោះចម្បាំង F-35 ទំនើបៗទៅឱ្យអារ៉ាប៊ីសាអូឌីត ក្នុងនាមជាជំហានស្នូលមួយក្នុងការកែលម្អទំនាក់ទំនងយោធា និងការទូតរវាងវ៉ាស៊ីនតោន និងរីយ៉ាដ។ ការប្រកាសនេះធ្វើឡើងមួយថ្ងៃមុនព្រះអង្គម្ចាស់រាជទាយាទ Mohammed bin Salman (MBS) នឹងធ្វើទស្សនកិច្ចផ្លូវការទៅសេតវិមាន។
ប្រភពពីសារព័ត៌មានAl Jazeera នៅថ្ងៃទី១៨ខែវិច្ឆិកា។
ក្នុងការចេញប្រកាសជាមួយអ្នកសារព័ត៌មាន នៅការិយាល័យ Oval កាលពីថ្ងៃទី 17 វិច្ឆិកា លោក Trump បាននិយាយថា សហរដ្ឋអាមេរិកនឹងលក់យន្តហោះ F-35” ជូនសម្ព័ន្ធមិត្តជិតស្និទ្ធនៅឆាកមជ្ឈិមបូព៌ា ដោយគាំទ្រចំពោះទំនាក់ទំនងយុទ្ធសាស្ត្ររបស់អាមេរិកជាមួយព្រះរាជាណាចក្រអារ៉ាប៊ីសាអូឌីត។
ពួកគេចង់ទិញវា ពួកគេជាសម្ព័ន្ធមិត្តដ៏អស្ចារ្យ។លោក Trump បាននិយាយដោយបញ្ជាក់ថា ខ្លួនមានគម្រោងអនុវត្តការលក់នេះ៕