សហរដ្ឋអាមេរិកនឹងផ្តោតការដាក់សម្ពាធសេដ្ឋកិច្ចលើប្រទេសវេណេស៊ុយអេឡា ជាពិសេសលើវិស័យប្រេង ជំនួសឱ្យការប្រើប្រាស់ជម្រើសយោធា។
ប្រភពពីសារព័ត៌មានAl Jazeera នៅថ្ងៃទី២៥ខែធ្នូ។
សេតវិមានបានណែនាំឱ្យកងកម្លាំងអាមេរិកផ្តោតស្ទើរតែទាំងស្រុងលើការអនុវត្តទណ្ឌកម្ម និងការរារាំងប្រេងវេណេស៊ុយអេឡា ក្នុងរយៈពេលពីរខែខាងមុខ។
បើទោះបីជាមានការប្រមូលផ្តុំកងទ័ពអាមេរិកយ៉ាងច្រើននៅតំបន់ការ៉ាប៊ីន រួមមានកងទ័ពជាង ១៥,០០០ នាក់ និងនាវាយោធាចម្បងៗ ក៏ដោយ មន្ត្រីអាមេរិកបានបញ្ជាក់ថា ការផ្តោតសំខាន់នៅពេលនេះគឺសម្ពាធសេដ្ឋកិច្ច ដើម្បីសម្រេចគោលដៅនយោបាយរបស់សេតវិមាន។
សូមបញ្ជាក់ថា៖ សេតវិមានអាមេរិកចោទប្រកាន់ថា ប្រធានាធិបតីវេណេស៊ុយអេឡា Nicolas Maduro គាំទ្រក្រុមជួញដូរគ្រឿងញៀនធំៗ ដែលរដ្ឋបាលលោក Trump បានដាក់ឈ្មោះថាជាអង្គការភេរវកម្ម ដោយបន្តធ្វើសកម្មភាពយោធា និងអនុវត្តច្បាប់ប្រឆាំងការជួញដូរគ្រឿងញៀននៅតំបន់នេះ៕