យ៉ាងហោចណាស់មានមនុស្ស ៧ នាក់បានស្លាប់ បន្ទាប់ពីឡានក្រុងមួយបានក្រឡាប់លើផ្លូវភ្នំ ក្នុងខេត្ត Yen Bai ភាគខាងជើងប្រទេសវៀតណាម កាលពីថ្ងៃសៅរ៍ ទី២៧ ខែធ្នូ ឆ្នាំ២០២៥។
ប្រភពពីសារព័ត៌មានReuters នៅថ្ងៃទី២៧ខែធ្នូ។
ឡានក្រុងដែលមាន ២៩កៅអី កំពុងដឹកអ្នកដំណើរ ១៩ នាក់ ដែលជាក្រុមសប្បុរសធម៌ ហើយបានក្រឡាប់នៅពេលធ្វើដំណើរចុះចំណោត។ក្រុមជួយសង្គ្រោះបានជួយសង្គ្រោះអ្នករស់រានមានជីវិតចំនួន ១០ នាក់ ចេញពីគំនរបាក់បែក ខណៈដែលការស្វែងរកបន្តដោយប្រើឧបករណ៍ធ្ងន់ៗ ដើម្បីកាត់យានយន្ត។ អាជ្ញាធរមូលដ្ឋានបានឲ្យដឹងថា មូលហេតុនៃគ្រោះថ្នាក់នេះ អាចបណ្តាលមកពីការខូចហ្វ្រាំង៕