នៅថ្ងៃទី ២៧ ខែធ្នូ ឆ្នាំ ២០២៥ តៃវ៉ាន់ បានរងការរញ្ជួយដីកម្រិត៧.០ រ៉ិចទ័រ ប៉ុន្តែមិនមានរបាយការណ៍ភ្លាមៗអំពីការខូចខាតធំដុំ ឬការបាត់បង់ជីវិតនោះឡើយ។
ប្រភពពៅសារព័ត៌មានAl Jazeera។
រដ្ឋបាលអាកាសធាតុតៃវ៉ាន់បានអះអាងថា ការខូចខាតគួរតែមានកម្រិតកំណត់ ព្រោះការរញ្ជួយដីនេះមានជម្រៅជ្រៅ និងកើតឡើងនៅឯនាយសមុទ្រ។
ការរញ្ជួយដីមានជម្រៅប្រហែល ៧៣ គីឡូម៉ែត្ររួមទាំងការរញ្ជួយអគារនានានៅក្នុងរដ្ឋធានីតៃប៉ិ។ អាជ្ញាធរបានចាត់ថ្នាក់អាំងតង់ស៊ីតេនៅកម្រិតបួន ដែលមានន័យថាអាចបង្កការខូចខាតតិចតួច។ រដ្ឋាភិបាលទីក្រុងតៃប៉ិបានរាយការណ៍ថា មានករណីខូចខាតដាច់ដោយឡែកមួយចំនួន ដូចជា ការលេចធ្លាយឧស្ម័ន និងទឹក ព្រមទាំងការខូចខាតតិចតួចដល់អគារ៕