អាជ្ញាធរអូស្ត្រាលីបានឲ្យដឹងថា ភ្លើងឆេះព្រៃដ៏ធំនៅភាគអាគ្នេយ៍ប្រទេស ត្រូវការពេលច្រើនសប្តាហ៍ទៀតដើម្បីគ្រប់គ្រងបាន ខណៈដែលវាបានបំផ្លាញផ្ទះសម្បែង កាត់ផ្តាច់អគ្គិសនី និងឆេះដីព្រៃយ៉ាងធំធេង។
ប្រភពពីសារព័ត៌មានCNA នៅថ្ងៃទី១១ខែមករាឆ្នាំ២០២៦។
នៅរដ្ឋ Victoria ភ្លើងឆេះព្រៃបានឆាបឆេះលើផ្ទៃដីជាង ៣០០,០០០ ហិកតា បំផ្លាញទ្រព្យសម្បត្តិជាង ១៣០ និងធ្វើឲ្យប្រជាជនរាប់ពាន់នាក់គ្មានអគ្គិសនីប្រើប្រាស់។
អាជ្ញាធរបានរាយការណ៍ថា មានភ្លើងឆេះព្រៃជាង ៣០ កន្លែងនៅរដ្ឋ Victoria ខណៈនៅរដ្ឋ New South Wales ភ្លើងជាច្រើនកន្លែងកំពុងស្ថិតក្នុងកម្រិតគ្រោះថ្នាក់ខ្ពស់បំផុត។ មន្ត្រីពន្លត់អគ្គីភ័យបានព្រមានថា ស្ថានភាពក្តៅ ស្ងួត និងខ្យល់ខ្លាំង អាចធ្វើឲ្យការគ្រប់គ្រងភ្លើងកាន់តែពិបាក៕