យ៉ាងហោចណាស់មនុស្ស៤នាក់បានស្លាប់និង៦ នាក់រងរបួស បន្ទាប់ពីរុស្ស៊ីប្រើដ្រូនវាយប្រហារលើទីក្រុង Kharkiv ភាគឦសានរបស់ប្រទេសអ៊ុយក្រែន។
ប្រភពពីសារព័ត៌មានAl Jazeera នៅថ្ងៃទី១៣ខែមករាឆ្នាំ២០២៦។
ការវាយប្រហារនេះកើតឡើងនៅជាយក្រុង ដែលស្ថិតនៅចម្ងាយប្រហែល ៣០ គីឡូម៉ែត្រពីព្រំដែនរុស្ស៊ី និងតែងតែជាគោលដៅវាយប្រហារ។
អភិបាលតំបន់ Kharkiv លោក Oleh Syniehubov បានបញ្ជាក់ថា ចំនួនអ្នកស្លាប់បានកើនដល់ ៤ នាក់ ខណៈអភិបាលក្រុង Ihor Terekhov បានឱ្យដឹងថាដ្រូនរយៈចម្ងាយឆ្ងាយរបស់រុស្ស៊ីក៏បានវាយប្រហារមណ្ឌលសុខភាពសម្រាប់កុមារ បណ្តាលឱ្យមានអគ្គីភ័យផងដែរ៕