នៅថ្ងៃទី៤ ខែមីនា ឆ្នាំ២០២៦ ជនជាតិអាមេរិកជាច្រើនដែលជាប់គាំងនៅតំបន់មជ្ឈិមបូព៌ា កំពុងបង្ហាញពីការខកចិត្ត និងការភ័យខ្លាច ខណៈស្ថានការណ៍សង្គ្រាមកាន់តែធ្ងន់ធ្ងរ បន្ទាប់ពីសហរដ្ឋអាមេរិក និងអ៊ីស្រាអែលបើកប្រតិបត្តិការប្រឆាំងអ៊ីរ៉ង់ ដែលបង្កឱ្យមានការវាយប្រហារសងសឹកនៅទូទាំងតំបន់។
ប្រភពពីសារព័ត៌មានCNN។
ជនជាតិអាមេរិកម្នាក់បានប្រាប់ CNN ថា គាត់មានអារម្មណ៍ គ្មានសុវត្ថិភាព និងមិនដឹងទិសដៅច្បាស់លាស់។ អ្នកផ្សេងទៀតនៅសហព័ន្ធ អារ៉ាប់រួមបាននិយាយថា មានការខកចិត្តយ៉ាងខ្លាំងព្រោះការណែនាំពីរដ្ឋាភិបាលមិនច្បាស់ថាត្រូវទៅព្រលានយន្តហោះ ឬជ្រកកោននៅនឹងកន្លែង។
រដ្ឋបាលរបស់ប្រធានាធិបតី Donald Trump បាននិយាយថា កំពុងពិនិត្យជម្រើសជាច្រើន រួមទាំងការប្រើយន្តហោះយោធា និងជើងហោះហើរជួល ដើម្បីជួយផ្លាស់ប្តូរទីលំនៅពលរដ្ឋអាមេរិកដែលចង់ចាកចេញពីតំបន់។ ទោះជាយ៉ាងណា រដ្ឋបាលក៏ទទួលរងការរិះគន់ថា ខ្វះការណែនាំជាក់លាក់ និងគ្មានការព្រមានជាមុនអំពីការកើនឡើងនៃសង្គ្រាម៕