រដ្ឋមន្ត្រីការបរទេសចិន លោកWang Yi បានប្រកាសថាចិននឹងបញ្ជូនបេសកជនពិសេសមួយរូបទៅកាន់តំបន់មជ្ឈិមបូព៌ា ដើម្បីជួយសម្របសម្រួលភាពតានតឹង និងជម្លោះដែលកំពុងកើនឡើងនៅក្នុងតំបន់។
ប្រភពពីសារព័ត៌មានReuterនៅថ្ងៃទី៥ខែមីនា។
ការប្រកាសនេះធ្វើឡើងបន្ទាប់ពីលោក Wang Yi បានធ្វើការសន្ទនាតាមទូរស័ព្ទជាមួយរដ្ឋមន្ត្រីការបរទេសរបស់អារ៉ាប៊ីសាអូឌីតនិងអារ៉ាប់រួម។ តាមសេចក្តីថ្លែងការណ៍របស់ក្រសួងការបរទេសចិន លោកបានកោតសរសើរចំពោះការអត់ធ្មត់ និងការប្តេជ្ញារបស់អារ៉ាប៊ីសាអូឌីត ក្នុងការដោះស្រាយបញ្ហាតាមវិធីសន្តិភាព។
ចិនបានបញ្ជាក់ថា ខ្លួនគាំទ្រការដោះស្រាយជម្លោះតាមការចរចា និងការសម្របសម្រួល ដើម្បីបន្ថយភាពតានតឹងនៅក្នុងតំបន់មជ្ឈិមបូព៌ា ដែលកំពុងប្រឈមនឹងការកើនឡើងនៃជម្លោះយោធា៕