យ៉ាងហោចណាស់មានមនុស្ស២១នាក់បានស្លាប់ បន្ទាប់ពីក្រុមឧទ្ទាមADF បើកការវាយប្រហារលើភូមិ Biakato នៅខេត្ត Ituri ភាគខាងកើតនៃប្រទេសកុងហ្គោ។
ប្រភពពីសារព័ត៌មានTRT World នៅថ្ងៃទី១១ខែឧសភា។
អាជ្ញាធរបាននិយាយថា ក្រុមប្រដាប់អាវុធបានសម្លាប់ប្រជាជន ដុតផ្ទះ និងម៉ូតូ ហើយចាប់ពង្រត់ជនស៊ីវិលមួយចំនួន។ មនុស្សជាច្រើនក៏នៅបាត់ខ្លួនផងដែរ។
កងទ័ពកុងហ្គោកំពុងបើកប្រតិបត្តិការតាមប្រមាញ់អ្នកវាយប្រហារ និងអំពាវនាវឱ្យប្រជាជនសហការជាមួយយោធា។
សូមបញ្ជាក់ថា៖ ក្រុមឧទ្ទាម ADF គឺជាក្រុមប្រដាប់អាវុធដែលសកម្មនៅភាគខាងកើតកុងហ្គោជាច្រើនឆ្នាំមកហើយ ហើយត្រូវបានគេចោទថាមានទំនាក់ទំនងជាមួយក្រុម Islamic State៕