នៅថ្ងៃទី២១ ខែកក្កដា ឆ្នាំ២០២៦ អ៊ីរ៉ង់បាននិយាយថា នាវាដឹកប្រេងចំនួន២គ្រឿងបានឆេះ បន្ទាប់ពីមានការផ្ទុះ ខណៈព្យាយាមធ្វើដំណើរតាមផ្លូវមួយនៅច្រកសមុទ្រHormuz ដែលអ៊ីរ៉ង់ចាត់ទុកថាមិនមានសុវត្ថិភាព។
ប្រភពពីសារព័ត៌មានAnadolu Agency។
កងកម្លាំងបដិវត្តន៍អ៊ីស្លាមអ៊ីរ៉ង់ (IRGC) បានឱ្យដឹងថា ក្រុមជួយសង្គ្រោះកំពុងជម្លៀសនាវិកចេញពីនាវាទាំងពីរ។ IRGC ក៏បានព្រមានក្រុមហ៊ុនដឹកជញ្ជូនកុំឱ្យពឹងផ្អែកលើការណែនាំផ្លូវនាវាចរណ៍របស់យោធាអាមេរិក ដោយអះអាងថា ផ្លូវខ្លះនៅក្នុងតំបន់មានគ្រោះថ្នាក់។
អ៊ីរ៉ង់ក៏បានប្រកាសថា ច្រកសមុទ្រ Hormuz នឹងនៅតែបិទ ដរាបណាការវាយប្រហាររបស់អាមេរិកនៅតែបន្ត ហើយបាននិយាយថា ខ្លួនកំពុងចាប់ផ្តើមប្រតិបត្តិការឆ្លើយតបចំពោះសកម្មភាពរបស់អាមេរិកនៅតំបន់សមុទ្រ៕
