អង្គការUNESCO បានដាក់តំបន់បុរាណ Sebastia នៅតំបន់ West Bank ក្នុងបញ្ជីបេតិកភណ្ឌពិភពលោកដែលកំពុងប្រឈមគ្រោះថ្នាក់។ មូលហេតុគឺតំបន់នេះកំពុងប្រឈមនឹងការរឹបអូសដី និងសកម្មភាពដែលអាចធ្វើឱ្យប៉ះពាល់ដល់តម្លៃប្រវត្តិសាស្ត្រ និងបុរាណវិទ្យារបស់ទីតាំង។
ប្រភពពីសារព័ត៌មានAnadolu Agency នៅថ្ងៃទី២៥ខែកក្កដា។
សូមបញ្ជាក់ថា៖ Sebastia មានប្រវត្តិសាស្ត្រជាង ៣,០០០ឆ្នាំ និងមានសំណល់បុរាណពីសម័យជាច្រើន ដូចជា រ៉ូម៉ាំង និងប៊ីហ្សង់ទីន។ ភាគីប៉ាឡេស្ទីនបានស្វាគមន៍ការសម្រេចរបស់ UNESCO ដោយចាត់ទុកថា វាជាជំហានសំខាន់ក្នុងការការពារបេតិកភណ្ឌប្រវត្តិសាស្ត្ររបស់ខ្លួន៕
