រដ្ឋមន្ត្រីការបរទេសអាមេរិក លោក Marco Rubio និងរដ្ឋមន្ត្រីការបរទេសអ៊ីតាលី លោក Antonio Tajani បានចុះហត្ថលេខាលើអនុស្សរណៈយោគយល់មួយ ស្តីពីកិច្ចសហប្រតិបត្តិការលើរ៉ែសំខាន់ៗ នៅទីក្រុងញូវយ៉ក កាលពីថ្ងៃទី២១ ខែកញ្ញា ឆ្នាំ២០២៦ នៅក្រៅកិច្ចប្រជុំមហាសន្និបាតអង្គការសហប្រជាជាតិ។
ប្រភពពីសារព័ត៌មានAA news។
លោក Rubio បាននិយាយថា អ៊ីតាលីគឺជាដៃគូដ៏សំខាន់របស់អាមេរិក ហើយប្រទេសទាំងពីរនឹងបន្តធ្វើការរួមគ្នាលើវិស័យរ៉ែសំខាន់ៗ។
ចំណែកលោក Tajani បានចាត់ទុកកិច្ចព្រមព្រៀងនេះថា ជា ជំហានសំខាន់មួយ សម្រាប់យុទ្ធសាស្ត្រឧស្សាហកម្មរបស់អ៊ីតាលី។ លោកបានបញ្ជាក់ថា តម្លៃវត្ថុធាតុដើមមានសារៈសំខាន់ចំពោះការប្រកួតប្រជែងរបស់អ៊ីតាលីនៅទីផ្សារអន្តរជាតិ ហើយកិច្ចសហប្រតិបត្តិការជាមួយអាមេរិកនឹងជួយជំរុញយុទ្ធសាស្ត្រនេះ។
លោកក៏បានលើកឡើងថា អ៊ីតាលីជាប្រទេសឧស្សាហកម្មធំទី២ នៅអឺរ៉ុប និងជាប់ចំណាត់ថ្នាក់ទី៤ នៅលើពិភពលោកខាងពាណិជ្ជកម្ម៕
