សង្រ្គាមឈានចូលដល់ថ្ងៃទី៥ហើយ មេបញ្ជាការយោធាកណ្តាលអាមេរិក លោកឧត្តមនាវីឯក Brad Cooper បានចេញមុខប្រកាសថា មានទាហានអាមេរិកជាង ៥ម៉ឺននាក់ កំពុងធ្វើប្រតិបត្តិការយោធាប្រឆាំងអ៊ីរ៉ង់។
ឧត្តមនាវីឯក Brad Cooper បានបញ្ជាក់ទៀតថា នេះជាលើកទី១ដែលអាមេរិក ប្រើប្រាស់ដ្រូន (One-way attack drone) លើអ៊ីរ៉ង់ ។
លោកថា ដ្រូននេះដើមឡើយអ៊ីរ៉ង់ជាអ្នករចនាឡើង ហើយអាមេរិក បន្តយកទៅរចនាកែច្នៃបន្ថែមកាន់តែខ្លាំងក្លាវាយប្រហារលើអ៊ីរ៉ង់វិញ.!។
ដ្រូន LUCAS គឺជាយន្តហោះគ្មានមនុស្សបើកវាយប្រហារមួយផ្លូវ (ដ្រូនអត្តឃាត) ដែលត្រូវបានរចនាឡើងស្រដៀងនិងដ្រូង Shahed-136 របស់អ៊ីរ៉ង់។
យន្តហោះគ្មានមនុស្សបើកនេះ សាងសង់ដោយក្រុមហ៊ុន SpektreWorks ដែលមានមូលដ្ឋាននៅរដ្ឋអារីហ្សូណា ដែលអាចត្រូវបានបាញ់បង្ហោះតាមរយៈការបាញ់គ្រាប់រំសេវ ការហោះឡើងដោយមានជំនួយពីរ៉ុក្កែត ។
ដ្រូននេះមានសមត្ថភាពបាញ់បានចម្ងាយប្រហែល 500 ម៉ាយ (៨០៤គីឡូដី) អាចផ្ទុកគ្រាប់បែកបានដល់ទៅ ២០គីឡូ ដោយដ្រូននេះមានតម្លៃប្រមាណ ៣៥,០០០ដុល្លារសម្រាប់១គ្រឿង៕