ពត៌មានអន្តរជាតិ

ការវាយប្រហារតាមអាកាសរបស់អ៊ីស្រាអែលបានសម្លាប់ជនជាតិប៉ាឡេស្ទីនបីនាក់ និងរងរបួសជាច្រើននាក់ទៀតនៅក្នុងការវាយឆ្មក់ជាបន្តបន្ទាប់កាលពីល្ងាចថ្ងៃអង្គារសំដៅទៅលើតំបន់ហ្គាហ្សាភាគកណ្តាល និងភាគខាងត្បូង ដែលនាំឱ្យចំនួនអ្នកស្លាប់នៅថ្ងៃទី 3 និងចុងក្រោយនៃពិធីបុណ្យ Eid al-Fitr ដែលជាថ្ងៃបញ្ចប់នៃបុណ្យរ៉ាម៉ាដានដល់ 13 នាក់ រួមទាំងអ្នកសារព័ត៌មាន និងក្រុមគ្រួសាររបស់គាត់។ប្រភពពីសារព័ត៌មាន Anadolu Agency។

ប្រមុខរដ្ឋាភិបាលលោក Min Aung Hlaing បាននិយាយកាលពីថ្ងៃអង្គារ(ទី១ខែមេសា)ថា ចំនួនអ្នកស្លាប់ដោយសារគ្រោះរញ្ជួយដីកម្រិត ៧.៧ រិចទ័រ ដែលបានវាយប្រហារប្រទេសមីយ៉ាន់ម៉ាកាលពីថ្ងៃសុក្រ បានកើនឡើងដល់ ២,៧១៩នាក់ហើយ។

ក្រសួងសុខាភិបាលប៉ាឡេស្ទីន បាននិយាយកាលពីថ្ងៃអង្គារ៍(ទី១ខែមេសា)ថា ក្រុមគ្រូពេទ្យនិងក្រុមជួយសង្គ្រោះប៉ាឡេស្ទីន បានរកឃើញសាកសពចំនួន៤២បន្ថែមទៀតពីគំនរបាក់បែក នៅតំបន់ហ្គាហ្សាស្ទ្រីប ដែលជំរុញឱ្យចំនួនអ្នកស្លាប់សរុបពីសង្គ្រាមប្រល័យពូជសាសន៍ របស់អ៊ីស្រាអែលចាប់តាំងពីខែតុលាឆ្នាំ 2023 កើនដល់ 50,399នាក់។

តុលាការធម្មនុញ្ញរបស់កូរ៉េខាងត្បូង កំពុងពិនិត្យមើលការចោទប្រកាន់ ទៅលើប្រធានាធិបតី Yoon Suk Yeol ហើយនឹងត្រូវប្រកាសថា តើត្រូវដកគាត់ចេញពីតំណែងជាអចិន្ត្រៃយ៍ ឬដាក់គាត់ឡើងវិញនៅថ្ងៃសុក្រ(ទី៤ មេសា)។

ប្រទេសចិនបានចាប់ផ្តើមសមយុទ្ធយោធាជុំថ្មីនៅជុំវិញកោះតៃវ៉ាន់ក្នុងការព្រមានចុងក្រោយបំផុតរបស់ខ្លួនចំពោះរដ្ឋាភិបាលប្រជាធិបតេយ្យរបស់កោះនេះ។ ប្រភពពីសារព័ត៌មានAljazeera។

ទាហានអាមេរិកចំនួនបីនាក់ ត្រូវគេប្រទះឃើញស្លាប់ ក្នុងភក់នៅក្នុងប្រទេសលីទុយអានី។ បន្ទាប់ពីមានការបាត់ខ្លួនទាហានចំនួន៤នាក់ កាលពីថ្ងៃចន្ទ(ទី៣១ខែមីនា)។

ប្រទេសចិនបានប្រកាសកាលពីថ្ងៃច័ន្ទ(ទី៣១ខែមីនា)ពីការរកឃើញស្តុកប្រេងឆៅដែលបានប៉ាន់ប្រមាណថាមានចំនួន 100 លានតោននៅភាគឦសាននៃសមុទ្រចិនខាងត្បូង នេះបើយោងតាមសេចក្តីថ្លែងការណ៍ពីសាជីវកម្មប្រេងឈូងសមុទ្រជាតិចិន (CNOOC) ។

ទីភ្នាក់ងារព័ត៌មានអ៊ីតាលីANSA បានរាយការណ៍កាលពីថ្ងៃចន្ទ(ទី៣១ខែមីនា)ថា អគ្គីភ័យដ៏ធំមួយបានឆាបឆេះពេញមួយយប់នៅឯក្រុមហ៊ុនលក់រថយន្ត Tesla នៅជាយក្រុងរ៉ូម ដោយបានបំផ្លាញរថយន្តចំនួន17គ្រឿងនិងជំរុញឱ្យមានការស៊ើបអង្កេតលើការឆេះផងដែរ។

ក្រសួងសុខាភិបាលប៉ាឡេស្ទីន បាននិយាយកាលពីថ្ងៃច័ន្ទ(ទី៣១ខែមីនា)ថា ក្រុមគ្រូពេទ្យនិងក្រុមជួយសង្គ្រោះប៉ាឡេស្ទីន បានរកឃើញសាកសពចំនួន៨០បន្ថែមទៀតពីគំនរបាក់បែក នៅតំបន់ហ្គាហ្សាស្ទ្រីប ដែលជំរុញឱ្យចំនួនអ្នកស្លាប់សរុបពីសង្គ្រាមប្រល័យពូជសាសន៍ របស់អ៊ីស្រាអែលចាប់តាំងពីខែតុលាឆ្នាំ 2023 កើនដល់ 50,357នាក់។

ក្រសួងសុខាភិបាលដែលគ្រប់គ្រងដោយក្រុម Houthi បាននិយាយកាលពីថ្ងៃចន្ទ(ទី៣១ខែមីនា)ថា មនុស្សពីរនាក់បានស្លាប់និង7 នាក់ផ្សេងទៀតបានរងរបួសនៅក្នុងការវាយប្រហារតាមផ្លូវអាកាសជាថ្មីរបស់សហរដ្ឋអាមេរិកទៅលើភាគខាងជើងប្រទេសយេម៉ែន ក្រសួងសុខភាពដែលគ្រប់គ្រងដោយក្រុម Houthi បាននិយាយកាលពីថ្ងៃចន្ទ ខណៈដែលប្រតិបត្តិការយោធាអាមេរិកនៅក្នុងតំបន់បន្តកើនឡើង។